Meeqqat atuarfiinit qaffasinnerusumik ilinniakkamik naammassinnittut amerlipput

Kalaallit Nunaanni Naatsorsueqqissaartarfiup UNESCO-p ISCED11-lu malittarisassiai malillugit ilinniarnerit naatsorsorpai, malittarisassallu saqqummersitami matumani atorneqarput.

2013-mi inuit 15.105-mi meeqqat atuarfianit qaffasinnerusumik ilinniakkamik naammassinnipput, taakku Kalaallit Nunaanni innuttaasut 16-ileereersut 34,4 procenterai. Tamanna ukiut qulit ingerlaneranni 6 procentpointinik qaffariarneruvoq. Titartakkami 1-mi qaffasissumik ilinniarnerit ineriartornera takuneqarsinnaavoq.

 

Titartagaq 1. 16-ileereersimasut ilinniagaanut qaffasinnerpaamut ukiuinullu immikkoortillugit

Najoqqutaq: Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROB).

 

Titartakkap takutippaa innuttaasuni amerlanerit inuussutissarsiteqalernissamut ilinniarnermik imaluunniit ilinniarnertuunngorniarluni ilinniarnissa-mik ingerlatseqqajaanerusut. Amerlasuut ingerlaqqiffiusumik ilinniarnermik ingerlatsipput.

Inuusuttunut paasissutissat ilinniarfinnut tunngasut, ukioqqortunerusut inuusukkallarnerannut sanilliullugu, pitsaanerusut pigineqalerneri ilinniartoqarnerusalerneranut patsisaasinnaagaluartoq angusaavoq immikkut malugisarialik.

 

Titartakkap 2-p takutippaa ukiut qulit ingerlaneranni nunatsinni innuttaasut 16-ileereersimasut meeqqat atuarfiannit qaffasinnerusumik ilinniagallit amerlassusaat. Titartagaq suiaassusermut immikkoortitaavoq, takutippaalu 2013-mi arnat meeqqat atuarfiannit qaffasinnersumik ilinniarsimasut amerlanerussuteqaqisut.

 

Titartagaq 2. 16-ileereersimasut meeqqat atuarfiannit qaffasinnerusumik ilinniakkamik naammassinnissimasut suiaassusaanut ukiuinullu immikkoortillugit

Najoqqutaq: Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROB).

 

Ukiuni qulini kingullerni arnat 16-ileereersimasut meeqqat atufiannit qaffasinnerusumik ilinniagaqartut 8 procenpointimik qaffariarput, 2013-mi arnat 16-ileereersimasut akornanni meeqqat atuarfiannit qaffasinnerusumik ilinniartut 37 procentiupput. Piffimmi pineqartumi angutit 16-ileereersimasut ilinniartut 4 procentpointimik qaffariarpoq. 2013-mi angutit 16-ileereersimasut akornnanni 34 procentit meeqqat atuarfiannit qaffasinnerusumik ilinniarput.

Tabel 1-ip takutippaa 16-ileereersimasut meeqqat atuarfiannit qaffasinnerusumik ilinniarnermik ingerlatsivinni naammassinnissimasut.

 

Tabel 1. Innuttaasut 16-ileerrersimasut meeqqat atuarfiannit qaffasinnerusumik ilinniarnermik naammassinnissimasut, ilinniarnermik ingerlatsivinnut ukiunullu immikkoortillugit

	2002	2003	2004	2005	2006	2007	2008	2009	2010	2011	2012	2013
Tunngaviusumik nalinginnaasumik ilinniarfiit.......	1.080	1.125	1.175	1.183	1.245	1.299	1.359	1.480	1.627	1.801	1.911	2.058
Ilinniarneq .............................	676	699	744	721	717	737	777	757	801	853	872	923
Eqqumiitsulerineq aamma humaniora ...........	278	299	317	350	369	380	404	403	427	448	460	466
Inuiaqatigiinik ilisimatusarneq, tusagassiortut aamma informatik .............................	252	244	262	277	284	299	321	339	359	392	412	419
Inuussutissarsiutit, allaffissorneq inatsisilerinerlu ...	2.166	2.273	2.339	2.369	2.332	2.332	2.362	2.401	2.483	2.540	2.586	2.661
Pinngortitamik ilisimatusarneq, matematikki naatsorsueqqissaarnerlu ...................	76	75	88	106	114	114	116	116	115	120	114	115
Teknologi atorlugu paasissutissalerineq attaveqaatilerinerlu .......................	117	130	142	154	168	166	175	183	201	204	205	215
Ingeniøritut ilisimatusarneq, nioqqutissiorneq sanaartornerlu ..........................	3.337	3.431	3.472	3.447	3.422	3.423	3.465	3.557	3.599	3.645	3.681	3.647
Nunalerineq, orpippassualerineq, aalisarneq uumasulerinerlu .........................	464	452	460	459	465	470	476	494	488	518	525	519
Peqqinneq atugarissaarnerlu .................	2.091	2.222	2.321	2.418	2.422	2.457	2.484	2.567	2.711	2.793	2.837	2.932
Sullissisoqarneq .........................	931	937	955	995	1.022	1.025	1.064	1.082	1.111	1.132	1.142	1.150
Tamarmik ...........................	11.468	11.887	12.275	12.479	12.560	12.702	13.003	13.379	13.922	14.446	14.745	15.105

Najoqqutaq: Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROB).

 

2013-mi ingeniøritut ilisimatusaammik, nioqqutissiornermik sanaartornemillu 25 procentit ilinniarlutik naammassisimapput, ilinniarnermillu ingerlatsinerit taakku ukiumi siulianitulli ingerlanneqarnerpaajusimapput. Ingerlatsinerit pineqartut ilagaat innaallagisserinermik aamma sanasutut inuussutissarsiutit aamma ilinniarnerit ingerlaqqiffiusut, ingeniørit landinspektørillu.